同事篇

一想起, 就真要寫或記下來. 因為真的會記不起來......人老了........

每一個人大部份的時間也是在公司, 特別是香港人!! 當然我也是其中的一份子, 只是我工作時間又會比普通香港人少一點點. 只是一點點 (只是差不多每天也是6點放工, 當然總有例外的...)

在公司, 每天也有不同的好笑事情發生, 因為我有2個十分可愛的同事-- Delia和Veronica
她們的體形略帶肥胖, 但卻一點也不討人厭, 還十分照顧我.

Delia 是merchandiser (雖然事實上這個部門只有我和她)她的工作效率高, 嗓子大. 鬧人時從不"口"軟. 十分喜歡食, 只要題目是食, 便可以無所不談. 有QUEEN OF EAT之稱而且性情率直, 我十分喜歡她!

Veronica是shipping+admin+HR. 她的高度和我差一點點 (我高D) 她為人友善, 有點純真. 說話常常帶點傻氣. 可是大部份時間會把同一句說話重覆2-3次(不期然地)又有許多時候在不適當的時候插口. 雖然如此, 她待我十分好又時常俾野我食 (我好似變在做狗仔...) 因為她對旅行十分熱沖, 故此有QUEEN OF TRAVEL之稱

我對此份工作並沒有特別好感, 又有一個我不大喜歡的經理(MARIA). 但因為她們, 日子也過得不錯.

有一些十分有趣的事, 真的要記下來:

改名事件
話說母公司的一位商品部主管叫吉田, 我們大家都統稱他做師傳. VERON十分喜愛師傅, 因為師傳的辦事效率十分高, 更是一個話一就一話二就一的人. (雖然又唔型又唔高, 仲要食煙. 但已是最好的一個啦!! 死未) 有一天, DELIA為佢地兩師徒改了一個名叫"小孖星" (即係乜都打孖上的意思, 加上VERON成日都幫住師傳) 我地仲不斷唱 TWINKLE TWINKEL LITTLE STAR (再加上雙手作星閃的動作..真係好好笑) 為了報仇, VERON不斷為DELIA和百合(一個十分"蛇GWE"和怕事的日本的同事, 又有落雨人之稱. 因為佢每次來港, 香港不是落大雨便是打風) 還有我和三木(他是另一個日本的營業部同事. 他十分得我歡心, 因為他和我一樣咁鐘意講野又冇架子, 時常教我袋的知識. 又不介意我日文差. 每次和他出差都是晴天[和百合相反] 有晴天公仔之稱) 而DELIA和百合組是令VERON最頭痛的, 但亦令我地捧腹大笑. 因為VERON成日都只係改頭2個字然後最個字唔係乜乜組就係乜乜雙剎. 而最後組別名塵埃落定分別是百合匙和三木僕人(而從此, 三木成為了我的師傳)

變身事件
事實上, 曹小姐(VERON)係一只貓, 有九條命. 因為佢每日都想同DELIA"撩"交打...哈哈
昨天, 不知曹小姐做乜又"撩"霍小姐(DELIA), 跟住霍小姐怒說"等我變條蛇嚇你" (曹小姐係好怕蛇, 假如對面馬路有蛇店. 佢會運路走, 甚至逛大圈)跟住我話"唔驚啦, 曹小姐..你變乳鴿咪得囉" 跟住突然一陣大笑聲, 霍小姐即刻話"我唔怕乳鴿但我怕白鴿."...我好瘀呀!! 當然我都係度笑啦...哈哈. 跟住曹小姐又話"我變雞". 哈哈...霍小姐即刻話你為在我做雞?? 真係偉大LOR....最後.....佢由昨天俾我地講到今天.

所想

感情, 可以控制人的情緒. 包括喜怒哀樂. 而感情亦包括無限許多不同的情感. 有親情, 友情, 愛情, 對物的情和對自己的情.
我的情緒起伏十分大, 喜歡盡情的笑和開心. 盡情的哭和傷心. 沒有經歷過這一種感情上的衝擊就好像不是真正在生存. 很久沒有真的感到開心和快樂. 這並不表示我不開心和不快. 只是...一種從心底深深處的感受. 有許多時候, 我想只是自已想得太多? 還是事實真的如自己所想? 答案自己一早已知, 只是一直以來不敢面對.

自己
在過去2年, 我對自己的了解加深了. 發覺到原來真正的自己和想像的自己好像有點兩樣. 是我改變了還是我一直沒有察覺到? 每一個人都說我是一個簡單的人, 一個奇怪的人, 一個開心的人, 一個多口的人, 一個嘈吵的人....還有很多很多. 但有人和我說我是一個以真心對人的人...我以前也是這般認為...但現在...我真的有少許懷疑. 我想我只是想別人待我好. 我才如此? 還是....
以上的種種, 我暫時找不出答案. 或許有一天我會知道. 但真如某人說, 要對自己好一點. 我想我已做到十分自私, 就只差對自己不夠好.

家人
家人是我不能缺少的一部份. 儘管和他們有吵鬧有不和. 他們仍是我的家人. 一個大家庭真的不容易去維持. 但我知道, 原來人真的可以對和自己有血源的人心死. 我對大家姐的憎惡已達到一個不能忍受的地步. 不過這樣也不錯...我的心可過得舒服一點, 輕鬆一點. 但真的是如此嗎?

朋友
對朋友如親人. 這是我從前的處事方式. 但現在, 好像已不同了. 我用了許久的時間才明白到, 每一段不同的時間會有不同的朋友. 我在昨天仍然執意於朋友一詞上的表面意思和裏面的意思. 但從今天起, 我學習去放開. 學習去處理和面對自己不同種類的朋友. 你對人如何, 並不是會得到等同的回報. 從來, 不求回報是對自己最好的想法. 但知而行才是最重要. 而我想我還有一大段路才能步向這條路的終點處. 曾經朋友對我性格上的不滿和投訴令我失意了好一段日子. 我的性格真的如此不濟? 我真的令人如此討厭? 但有人和我說, 你的朋友會和你一起, 就是因為你的性格. 儘管有投訴但仍然和你在一起, 只是因為你便是你. 我迷惘了好一陣子.....有了頭緒但仍然.... 我知道自己總可以想通, 只是需要一點時間又或好長時間......

愛情
愛情在我心中佔的並非一個重要的位置. 從中五開始拍拖, 我並不認為自己懂得如何去鐘意一個人. 更不用說愛. 我不明白愛的真正意思, 只知道開心便可. 我和許多人說自己可以沒有男朋友, 因為不是mr.right. 我覺得自己不會遇到一個可以令我安心的人, 不再騎牛揾馬的人. 但自從昨晚, 我知道我可能找到一個可以和我一起的人. 或許我們的關係還有待改進, 但我想.....他或許是MR.RIGHT. NO ONE KNOWS WHAT'S GOING TO HAPPEN IN THE FUTURE.

我想我的心情仍然是灰色, 或深藍色?
但我希望自己會變成天藍色或橙色或...紅色??


但願我能放下"牛角尖".....

又病

生病日..好辛苦呀! 個nose好痛頭戈身又痛. 睇醫生時, 醫生仲話我身體差, 叫我多做運動(鬼唔知咩!!但係我懶呀MA!!)

唔得啦..好攰呀...下次再寫.....

KIM家的晚飯聚會

真的好耐沒有見過阿ｋｉｍ啦！！！！
尋晚的晚飯由阿ｋｉｍ做主廚我做副手，　整了豉油雞翼，　香煎腐皮卷，　荷蘭豆炒豬肉（是我做的），　蒜蓉少小唐菜，　蒸水蛋和粟米湯．　　阿ｊｅｓｓ除了係咁　”耳”幫手ｍｉｋ荷蘭豆側邊的２條邊外，　全程就只是看電視．．．（你話呀．．佢點嫁呀！！）　ｋｉｍ由７點４０分煮到差不多９點．　雖然ｋｉｍ原意係煮３０分鐘．．．但係最後．．．．．哈哈
ｓｔｅｖｅ剛剛好趕得切回來食飯．　一行５人　（我，　ｋｉｍ，ｊｅｓｓ，　ｂａｒｒｙ和ｓｔｅｖｅ）開飯ｌｕ！！　大家當然起勢咁食啦！！　因為時間唔早，　都餓ｌｕ．　雞翼係轉眼間便被人食了大半，　真的唔錯．　ｋｉｍ仲好擔心太咸，　但卻大受歡迎．　更獲選”ｓｔｅｖｅ最喜愛的菜式”．　而我的荷蘭豆炒豬肉就剩下了豬肉．　我仲要話豬肉係陪襯荷蘭豆是主角才被佢地笑少ｄ咋！！！　真係好可憐呀！！
飯後我把ｂａｒｒｙ買的西瓜切好細粒後（有４盒咁多呀！！　希望ｋｉｍ同ｊｅｎｎｉｆｅｒ佢地真的會食晒佢啦），　便到樓下ｃｏｆｆｅｅ　ｓｈｏｐ飲野　（哥哥已走，　ｊｅｓｓ亦被男友接走了）　好耐冇同ｋｉｍ傾計啦！　佢之前又忙又ｔｉｒｅｄ，　所以真的十分難得．　　
肥仔同阿牛咁對ｋｉｍ．　真係想狠狠鬧佢地一頓！

我回來了!!!

自從停止在diaryland"發怖"自己的日記後, 已很久沒有update大家我的近況啦!!!
我同soman差唔多, 都係唔多鐘意主動找朋友. 但係並不代表我不記掛你地呀!!
我成日都好miss 你地架!!!!

最近我返工好少少啦...雖然都係冇乜野做(比起各位大忙人), 但都可以叫做由返工做到放工.
日子唔知係咪太無聊呢, 我成日都好容易悶和不開心, 情緒低落更是平常事....點算好呀??
下個星期我就開始上professional diploma of corporate communication. 心情真的有點緊張呀! 好想讀好耐啦!! 終於得償所願. soman, 我讀完話你知值唔值得去讀呀!!