曹小姐家庭小事一宗 + 醜醜

剛放學回家, 洗澡後的感覺真好....
有很多次想把事情記下來, 但人總是懶惰. 儘管電腦已開機, 亦已上網, 但就是不想打太多的字....
而今天晚上, 我知道若不再記下來便會很快忘記.

公司同事曹小姐的一班姨甥女, 常會鬧出許多不同的笑話....
先在此作一個簡短介紹:

妹妹 -- 她是曹小姐細妹的大女, 就讀六年級. 是唯一寄住在曹小姐家的姨甥女. 雖然曹小姐口中常常說不疼鍚她. 但從她支付一齊妹妹的活動如拉丁舞, piano. 時常擔心妹妹成績不好. 還有給她添置許多"非"日用品. 便可知道曹小姐有多疼愛妹妹了. 而妹妹最近好叻女呀!! 她分別在拉丁舞和牛仔舞比賽獲得第二和六名呀!!

zoe(孖女1) -- 是妹妹的細妹. 樣子十分可愛.

妹芝(孖女2) -- 和zoe生得一模一樣.

詠詠 -- 是曹小姐細佬的女

事情的經過是這樣的.....
話說上星期, 妹妹被媽媽鬧然後不斷地大聲哭, 詠詠看到這一個情況便立刻走過去
詠詠 : 表姐, 你做乜喊呀??
zoe : 表姐, 你做呀? (請記住, zoe其實係妹妹的細妹, 但係跟人口水尾)
妹妹 : 媽咪鬧我呀........

詠詠人仔細細又肥肥的. 當天穿一件橫間的吊帶裙仔. 然後小步跑向曹小姐的細妹處並叉起小肥腰說...

詠詠 : 姑姐 !!
曹小姐細妹 : 咩野事呀?? (十分大聲和樣子兇惡, 因為心情仍然十分差)
詠詠 : 你做乜蝦表姐呀??

哈哈!! 聽畢我便立刻大笑出來! 因為好可愛呀!! 人仔細細竟然學人做"炸兩"

曹小姐有可愛的姨甥, 我也有, 仲有6大個tim 呀!! 不過, 現在最得我心的當然係最小的一個--醜醜. 我細妹個仔.
他天生個樣就十分呆, 行路好似飲醉在咁. 佢就算玩樂時的樣子也是呆佔大多數, 和老豆個樣一樣呀!! 我細妹時常會訓練佢做"動作". 比較大路的有玩點虫虫, give me five, 會搖手(代表hi), 手掌仔屈曲代表bye. 也有拍肚仔代表飽飽和飛吻好得意呀!!

但以下3樣野是比較小有的, 我想..........

1. 當我地叫佢"扮可愛", 佢就會將2只手指指住塊面仔然後頭搖搖. 個樣真的好可愛呀!! 果然係明乎其實的"扮可愛"
2. 當有人打佢阿媽即係我個妹, 然後我細妹一喊(當然係扮喊啦) 佢個嘴先係一扁, 然後便一齊喊....哈哈!! 我地已經玩了好多次...真開心!!!
3. 最後呢個係仲未訓練完畢架!! 就係"大頭仔"啦! 我細妹正train佢當聽到"大頭仔" (醜醜個頭都真係有d大)便把2只小手放在面上然後搖頭. 但細妹話仲未得喎, train好後會表演俾我地睇.

綜合以上的事, 大家除了覺得醜醜好得意外...仲會覺得乜??

就係我細妹同我一樣都係傻架!!!!!

哈哈!!!!